Cymru, Ewrop a'r Byd

Yn y rhan hon o Fagloriaeth Cymru, bydd y myfyrwyr yn dysgu mwy am Gymru a'i lle yn Ewrop a'r Byd.

Ceir pedair elfen yn Cymru, Ewrop a'r Byd:

Ar y lefelau Sylfaen a Chanolradd rhaid i ymgeiswyr ystyried pob un o'r elfennau canlynol:

Gwleidyddiaeth

Materion Cymdeithasol

Materion Economaidd a thechnolegol

Materion diwylliannol

At y lefel Uwch rhaid i ymgeiswyr ystyried materion allweddol ym mhob un o'r elfennau canlynol:

Materion gwleidyddol

Sialensau cymdeithasol ac ymatebion

Effaith newid economaidd a thechnolegol

Treftadaeth a safbwyntiau diwylliannol

Bydd athrawon yn annog trafodaeth ac ymryson ar y materion allweddol. Gallant wahodd siaradwyr gwadd a threfnu ymweliadau â mannau a sefydliadau perthnasol. Mae'r rhan hon o Fagloriaeth Cymru yn rhoi profiadau cadarnhaol i'r myfyrwyr ac yn eu cynorthwyo i ddysgu trwy wneud.

Mae gan y gydran Cymru, Ewrop a'r Byd Fodiwl Iaith hefyd. Yn y modiwl hwn bydd myfyrwyr yn datblygu eu sgiliau iaith yn eu hiaith ddewisedig. Gallai hyn fod o lefel dechreuwr neu trwy adeiladu ar sgiliau sydd ganddynt eisoes.